Tíðindi

Hevur tú gott yvirblikk, telefonsmíl, rímiligan telduførleika og hug at arbeiða hjá Føroya størsta taxa felag?

So leita vit kanska eftir júst tær. Vit hava fleiri størv tøk á okkara støð.

Arbeiðið fevnir um at taka telefonina og senda bilar út, umsita bókingar til flogrutu á telefon, telduposti og heimasíðu og svara øðrum fráboðanum umvegis teldupost.

Við 37 hýruvognum og avtalum við vinnulív, stovnar og ferðavinnu, er Bil eitt sunt og væl rikið felag.

Drívmegin er at veita góða tænastu til kundar okkara og vera álítandi veitarin, ið kundin altíð kann rokna við. Sum móttøkufólk ert tú fyrsta røddin, ið kundin møtir, og okkara rødd úteftir.

Vit leggja dent á høgt tænastustøði, og at vit støðugt tillaga okkum tørvin hjá okkara kundum.

Vit hava altíð gingið á odda, og vóru í 2016 fyrsta føroyska taxa felagið við egnari app.

Størvini sum móttøkufólk kunnu vera fulltíðarstørv ella parttíðarstørv, alt eftir hvat tú hevur hug og stundir til. Tað kann tí lætt sameinast við eitt nú lestur ella annað parttíðarstarv. Einki aldursmark er, og eru evnini og hugurin til staðar, hevur tað minni týdning, hvørt tú ert pensionist ella lesandi.

Nærri fæst at vita um størvini við at seta seg í samband við Beinir Kristiansen, stjóra, á +298 232440 ella stjori@taxi.fo

Umsóknir skulu sendast saman við viðkomandi skjølum áðrenn fríggjadagin 16. august á stjori@taxi.fo. Tær verða avgreiddar leypandi. ... Sí meiraSí minni

Bil søkir eftir stjóra

Vilt tú sita við róðrið, nú Føroya størsta taxa felag skal hava nýggjan stjóra? Hevur tú áræði til at víðarimenna eitt felag, ið setur stoltleika í at ganga á odda?

Við 37 hýruvognum og avtalum við vinnulív, stovnar og ferðavinnu, er Bil eitt sunt og væl rikið felag.

Drívmegin er at veita góða tænastu til kundar okkara og vera álítandi veitarin, ið kundin altíð kann rokna við. Sum stjóri skalt tú støðugt tryggja, at vit halda fast í høga tænastustøðinum, og at vit støðugt tillaga okkum tørvin hjá okkara kundum.

Vit hava altíð gingið á odda, og vóru í 2016 fyrsta føroyska taxa felagið við egnari app.

Starvið sum stjóri er hálvtíðarstarv. Tað er tí upplagt at sameina við eitt nú egna fyritøku ella annað hálvtíðarstarv.

Tú stýrir tínum arbeiðsdegi og arbeiðstíð, so leingi tú røkjur starvið væl. Nærri fæst at vita um starvið við at seta seg í samband við Tóta Kristjánsson, nevndarformann, á +298 787470 ella nevnd@taxi.fo

Umsókn og viðkomandi skjøl skulu vera okkum í hendi áðrenn mánadagin 30. oktober kl. 12 á nevnd@taxi.fo ella á:

Sp/F Bil Mini Taxi 96
Farstøðin
Eystara bryggja
FO-100 Tórshavn ... Sí meiraSí minni